Ginpahayag ni Israeli Defense Minister Israel Katz nga iya ginmanduan ang militar sang Israel nga atakehon ang Tehran, bilang sabat sa ginatawag niya nga paglapas sang Iran sa ceasefire nga gin-anunsyo pila ka oras lang ang nakaligad ni former US President Donald Trump.
Suno kay Katz, ginpanugyan niya sa Israel Defense Forces nga ipadayon ang mataas nga lebel sang operasyon batok sa mga “continue high-intensity operations targeting regime assets and terror infrastructure in Tehran” bangud sang “Iran’s blatant violation of the ceasefire declared by the President of the United States.”nga ginpahayag mismo ni Trump.
Antes sina, nag-post si Trump sa Truth Social:
“THE CEASEFIRE IS NOW IN EFFECT. PLEASE DO NOT VIOLATE IT!”
Pareho man nga nagkompirmar ang Israel kag Iran sang ceasefire matapos ang anunsyo ni Trump.
Ginpahayag ni Israeli Prime Minister Benjamin Netanyahu nga naabot na sang Israel ang ila target sa ila ginlunsar nga surprise attack sang Hunyo 13 nga amo ang pagsigabong sang nuclear program kag missile capabilities sang Iran.
“Israel thanks President Trump and the United States for their support in defence and their participation in eliminating the Iranian nuclear threat,” suno kay Netanyahu.
Apang, ginpanginwala sang Iran ang alegasyon sang Israel.
Suno sini, wala sang missile launches nga nagluntad halin sa Iran sa mga pinakaulihi nga oras.
Ginpahayag man sang Supreme National Security Council sang Iran nga ang militar sang nasud napwersa ang Israel nga mag-isa nga mag-untat kag magbaton sang ceasefire.
Suno pa sa statement, handa gihapon ang pwersa sang Iran nga magbalos sa bisan ano nga porma sang agresyon halin sa kalaban.
Ginpahayag naman ni Iranian Foreign Minister Abbas Araqchi nga wala na sila magapatigayon sang retaliatory strikes kon mag-untat na man ang Israel sang ila mga atake umpisa alas-4:00 sang kaagahon sa Tehran.
Antes pa nagsugod ang ceasefire, apat ka tawo ang ginreport nga napatay sa syudad sang Beersheba sa southern Israel, suno sa Israeli ambulance service.
Sa pihak naman, siyam ka tawo lakip ang isa ka nuclear scientist ang napatay sa isa ka Israeli airstrike sa residential building sa northern Iran, suno sa mga Iranian officials.
