KORONADAL CITY- Padayon ang paglagas sang mga militar sa mga katapo suno pa sang New People’s Army makalaigad ang nagluntad nga pagpangsunog sang isa ka unit sang YBL bus sa bahin sang Makilala , North Cotabato.
Sa inisyal nga imbestigasyon ang nasambit nga bus ang may yara sang body number nga 1888 kun sa diin may sakay nga masobra 30 ka pasahero nga halin sa syudad sang Tacurong padulong kun tani sa syudad sang Davao.
Kasubong sang estilo sang mga pagpangsunog sang NPA sa mga bus sa pila ka bahin sang rehiyon 12, nagsakay suno pa ang mga suspek sa bus kun sa diin pag abot sa area nga pagahiwatan sang pagpangsunog sila ang nagpakilala nga mga katapo suno pa sang New Peoples Army.
Maayo na lamang kag naluwas ang sakay sang nasambit nga bus.
Samtang sa pihak nga bahin posible naman nga makaapekto ang nasambit nga insidente sa ginaduso nga peace talk sa tunga sang gobyerno kag sang rebelde nga grupo.
