KORONADAL CITY – Isa ka babae nga naga dala ang nangin casualty ini sa pagsigabong sang isa ka Improvised Explosive Devices (IED) nga ginbutang sa idalom sang ila nga dapog sang mga katapo sang Bangsamoro Islamic Freedom Fighters kag Daulah Islamiyah sa Datu Hoffer,Maguindano.
Ini ang ginkumpermar ni Lt.Col John Paul Baldomar, tagpamaba sang 6ID Phil.Army sa interview sang Bombo Radyo Koronadal.
Sandig sa imbestigasyon sang mga otoridad, nagpadulong ang nagadala nga biktima kaupod ang iya isa pa ka bata sini sa isa ka payag-payag sa ila nga farm para magluto sang saging sang gulpi nga nagsigabong ang IED nga ginlubong sa iya nga dapog.
Sa kakusog sang impact sang pagsigabong, patay ang naga dala nga biktima samtang nakaangkon sang pilas sa nagkalain-lain nga bahin sang kalawasan.
Sa subong naga padayon ang pagpaayo sang isa ka menor de edad sa balay bululngan sa probinsya sang Maguindanao.
Dugang pa sang opisyal, nakaabot man sa ila nga impormasyon nga may ara man sang 3 ka mga Tiduray ang ginpatay kag ginsunog pa sang mga terrosista sa Maguindanao bangud indi ang mga ini magsuporta sa mga tikang sang mga terrorista kag sa baylo naga suporta ang tribu sa mga kasuldadohan.
