-- ADVERTISEMENT --
Nag-emergency landing ang isa ka American airlines jet sa Denver International Airport sa Colorado, USA matapos ini nasunog.
Ang flight, nga halin sa Colorado Springs pakadto sa Dallas-Fort Worth, ang ginbalhin sa Denver bangod sa problema sa makina.
Pag-abot sa paluparan, nagkalayo ang eroplano nga nagtuga sang kapal nga usok, luwas man nga napagwas ang mga pasahero sang eroplano.
Suno sa American Airlines sakay sang nasambit nga eroplano ang yara sa 172 pasahero kag 6 nga crew members nga ginbalhin na sa terminal.
Sa karon wala pa sang pahayag ang U.S. Federal Aviation Administration (FAA) ukon American Airlines angot sa insidente, kag wala man sang sabat Denver International Airport angot sa nasambit nga insidente.
