KORONADAL CITY – Tigayon nga ginpaidalom sa state of calamity ang Barangay San Isidro sa syudad sang Koronadal bangud sa mga pagbaha nga nagpanalasa sang damlag lamang.
Sa interbyu sang Bombo Radyo Koronadal kay Brgy. San Isidro kapitan Lloyd Gabutin, ini ang nahisgotan sang mga miyembro sang ila konseho bangud sa malapnagon nga damyos sang pagbaha nga nagresulta nga nagresulta sa pagkaguba sang mga pananom, pag-anod sang mga propedad sang mga residente kag pagbakwit sang mga ini sa ila mga puloy-an.
Suno kay Kapitan Gabutin, mahimo na nga usaron sang barangay ang kabahin sang ila nga calamity fund agud buligan ang mga apektado nga residente.
Sa subong yara sa 15 ka pamilya ang nagapabilin sa evacuation centers makaligad gin-anod sang tubig-baha ang ila mga puloy-an samtang ang 160 nga pamilya ang temporaryo nga nagapabilin ukon nakitener sa ila mga himata.
Padayon ang pagtumod sang barangay officials sa balor sang damyos tuga sang kalamidad kag clearing operations agud magpanumbalik na sa normal ang palangabuhian sang mga residente.
