KORONADAL CITY – Wala sang may napagkit nga insidente sang pagbaha ukon casualty sa pagpanalasa sa ng anay typhoon kag subong LPA nga Chedeng sa bahin sang Sultan Kudarat.
Ini ang ginkumpirmar ni Sultan Kudarat Provincial Disaster Risk Reduction and Management Office (PDRRMO) chief Henry Albano sa interbyu sang Bombo Radyo Koronadal.
Suno ka Albano, apesar nakabatyag sang pagbubo sang ulan ang pila ka lugar sa probinsya kag nagdeklarar sang pagsuspinder sang klase, wala sang may napagkit nga kaso sang pagbaha ilabi na sa mga low-lying areas.
Ginpasiguro man sini ang kahandaan kun may mapagkit man nga insidente sang pagbaha ukon landslide.
Samtang nagapasalamat man ini sa ulan nga dala ni Chedeng bangud nakabulig ini sa mga mangunguma nga madugay na nga nagaantos sa dry spell, magluwas sa banwa sang Lebak.
