KORONADAL CITY – Nagpadulong sa waragwagan sang Bombo Radyo Koronadal ang isa ka iloy sang Overseas Filipino Worker (OFW) nga residente sang Brgy. Cebuano Tupi South Cotabato agud maghingyo sang bulig sa bata sini nga napreso subong sa Riyadh, Saudi Arabia.
Emosyunal nga ginsaysay ni Nanay Estrella Sol ang nadangtan sang bata nga si Marlyn Sol, 32, sa pungsod Riyadh nga ginpreso nga wala sang sala.
Suno kay Nanay Sol, ginpahayag sang mga pulis nga may nagpasaka sang reklamo sa iya bata rason nga ginpreso ini apang indi naman maathag kun ano ang iya nga sala.
Bangud sini, nabalaka subong ang pamilya Sol sa sitwasyon sang iya nga bata sa Riyadh.
Nakig-angot ini sa agency sang iya bata apanag wala suno pa ang mga ini nagahimo sang paagi agud mabuligan sila.
Nag-apela naman ang iloy sang OFW nga buligan ang iya bata bangud sa kabalaka nga may matabo sa iya nga malain.
