KORONADAL CITY – Naglab-ot na sa karon sa P477 Million ang napagkit nga damyos sa mga pananom sa probinsya ng North Cotabato sa pagsugod sang tag-ilinit.
Suno kay PDRRM warning and action officer Engr. Arnulfo Villaruz apisar wala pa nalakip ang North Cotabato sa 3 ka kategorya nga ginakabug-usan sang dry condition, dry spell kag drought, tuman ka damo na nga mga produkto ang naapektuhan.
Ginpahayag man sini nga yara sa 8,500 nga mga local farmers ang apektado kag wala pa nalakip diri ang mga mga laborers sa probinsya.
Gin-insister man sini nga posible madugangan pa ang mga banwa nga ginpaidalom sa state of calamity sa masunod nga semana kun magapadayon ang tag-ilinit.
Madumduman nga una na nga nagdeklarar sang state of calamity ang banwa sang Pikit, Mlang, Tulunan, Alamada kag Aleosan.
Sa karon, nagapadayon ang paghatag sanga ayuda ukon bulig sa mga mangunguma kag magapanagtag man sang seedlings ang Provincial Government kun magasugod na ang tag-urulan sa masunod nga mga binulan.
