POLOMOLOK, SOUTH COTABATO – Patay sa ginpatigayon nga search warrant operation ang isa ka myembro sang grupo nga Dawlah Islamiya makaligad suno pa magabato sa otoridad sa Prk. 1, Brgy. Sumbakil, Polomolok, South Cotabato.
Sa nangin interbyu sang Bombo Radyo Koronadal kay Polomolok Deputy Chief of Police Captain Rommel Hitalia, ginkilala sini ang suspek kay Abdul Aminola Alon, 40 anyos kag residente sang nasambit nga lugar.
Suno kay Hitalia, magapatigayon kun tani sila sang search warrant op sa kaso nga pagbayolar sa RA 9165 sang iya mga kaupod nga pulis sa panimalay sang suspek, apang sang matukiban sini ang mga kapulisan ang gilayon nalamang sila ginpalukpan sang baril.
Kabangdanan nga napwersa nga magpalupok naman ang mga kapulisan kag kun sa diin naigo ang suspek saiya nga kalawasan nga nangin kabangdanan sang iya nga kamatayon.
Nakuha naman suno pa sa suspek ang 2 ka Rifle Grenadae, 2 bala sang Caliber 38 kag 12 ka sachet nga ginadudahan sang shabu.
Sa subong, mas ginpahugtan pa sang Polomolok PNP ang ila nga mga operasyon kag pagbantay sa ila nga lugar ilabi na nga yara gyapon sa pandemya.
