Nagnubo sa pinakamubo nga lebel sa halos duha ka tuig ang foreign reserves sang Pilipinas sang Hulyo matapos nagbayad ang gobyerno sang utang sa luwas sang pungsod kag nagpatunga ang Bangko Sentral ng Pilipinas (BSP) agud mapunggan ang dako nga pagbag-o sang bili sang piso kontra dolyar.
Suno sa BSP, ang gross international reserves nagtinir sa $103.4 bilyon sa katapusan sang Hulyo, halin sa $104.7 bilyon sang nagligad nga bulan.
Ini ang pinakamubo nga lebel halin Enero 2025 kag mas mubo sa ginbag-o nga forecast sang BSP nga $104 bilyon sa katapusan sang tuig.
Ang foreign reserves nagahatag proteksyon sa ekonomiya sang pungsod kag ginagamit sa pagbayad sang importasyon kag foreign debt.
Kadam-an sini halin sa foreign investments, bulawan, kag foreign exchange holdings.
Suno pa sa BSP, nagnubo ang ila foreign debt securities kag foreign-exchange holdings bangud sa pagbayad sang gobyerno sang obligasyon sa utang sa luwas kag sa pag-intervene sang sentral nga bangko agod mapahagan-hagan ang volatility sang peso-dollar market.
