KORONADAL CITY- Magapangatubang sang nagakaigo nga kaso ang isa ka empleyado sang Department of Environment and Natural Resources (DENR) 12 nga naaktuhan nga nagahaboy sang basura sa kilid sang dalan sa Brgy. Paraiso, siyudad sang Koronadal.
Sa interbyu sang Bombo Radyo Koronadal kay Koronadal City Environment Officer Agustus Bretaña isa ka concerned citizen ang nakakita sa babaye nga empleyado sang DENR samtang nagahaboy sang basura.
Gilayon suno pa nga nakuhaan ini sang ebidensya kag ginpakita sa CENRO kun diin na identify nga empleyado ini sang gobyerno nga nagaprotehir sa kinaiyahan kag kagulangan.
inkadismaya naman ni Bretaña ang ginhimo sang wala pa ginhingadlan nga empleyado bangud sa baylo nga magserbe ini nga halimbawa, amo pa ang nagpanguna sa iresponsable nga paghaboy sang basura.
Nahibaluan nga ginpa-summon na ini sa Barangay kag ginpatawag naman sa talatapan sang City ENRO agud nga magpaathag.
