Naglapaw na sa 2,000 ang napatay sa Ebola sa Democratic Republic of Congo (DR Congo), samtang padayon nga nagalapta ang balatian sa pila ka bahin sang pungsod.Suno sa mga health officials, nagdangat na sa 2,011 ang death toll kag may yara na sang 4,381 ka kumpirmado nga kaso sang Ebola sa lima ka mga probinsya.
Ang madasig nga paglapta sang balatian gin-angut sa mahinay nga pagtukib sang kaso, kakulang sang mga medical supplies, kagamo, kag mga problema sa mga pasilidad sa ikaayong lawas.Bangud sini, nabudlayan ang mga health workers nga madasig nga matukiban kag matapna ang paglapta sang virus.
Ang Ebola isa ka makalalaton nga balatian nga mahimo tunaan sang hilanat, pagsuka, pag-ubo, kag bleeding.Samtang padayon nga nagataas ang kaso, nagapanawagan ang mga health officials para sa mas madasig nga aksyon kag dugang nga suporta agud matapna ang paglapta sang Ebola.
