KORONADAL CITY- Madinalag-o nga naarestar ang isa ka durugista sa bahin sang Brgy. Kalawag 3 Isulan, Sultam Kudarat.
Sa impormasyon nga ginpalab-ot ni Bombo Correspondent Larry Geronio, ginkilala ang suspek kay Arnel Mando Manalo, 30 anyos sang Datu Paglas, Maguindanao nga 10 ka adlaw pa lamang nga naga istar sa banwa sang Isulan.
Ginpatigayon ang drug buy-bust operation sa pagpanguna sang hepe sang Isulan PNP nga si Police Supt. Joefel Siason kun sa diin ini ang naarestar sa iya gina-arkilahan nga boarding house.
Kaupod man sini nga nadakpan ang isa ka menor de edad nga isa ka prostitute samtang narekober sa operasyon ang 10 ka pakete sang shabu, drug paraphernalias kag ang P500.00 nga marked money.
Samtang ang mga suspek ang yara na sa kustodiya sang Isulan PNP.
