KORONADAL CITY- Nagpahayag sang suporta si DENR-MGB 12 Regional Director Constancio Paye sa bag-o nga pagpamuno ni Secretary Roy Cimatu sa Department of Environment and Natural Resources.
Ginhatagan punto ni Director Paye nga dako nga bentahe sa pagpamuno ni Sec. Cimatu ang pangin anay heneral sini sa Armed Forces of the Philippines ilabi na sa pagpatuman sang layi angot sa pagmina.
Samtang ginalauman nila nga igapadayon ni Sec. Cimatu ang responsible mining nga ginaduso ni anay DENR sec. Gina Lopez agud mahatagan sang importansya ang kinaiyahan luwas sa pagsanyog sang ekonomiya sa patag sang pagmina.
Kaangot sini nga sa probinsya sang South Cotabato mainit nga gina-istoryahan ang mangin tikang sang bag-o nga tiglikom ilabi na sa plano nga pagbukas sa liwat sang Saguittarius Mines Incorporated (SMI) nga isa ka dako nga mining company sa probinsya partikular na sa banwa sang Tampakan nga naga-angkon sang madamo nga kritisismo kag pagpakamalaot sa mga pumuluyo.
