Naghatag sang pakigunong si Congressman Dinand Hernandez angot sa pagtaliwan ni Mayor Atty. Eleurdo ” Bebot U. Ogena sa diin naghatag sang kasubo sang mga katawhan sa syudad sang Koronadal.
Sa esklusibo nga interview sang Bombo Radyo Koronadal kay Congressman Dinand Hernanadez, 2nd District sa Probinsya sang South Cotabato. Ginpahayag ni Hernandez, nga isa ka maayo mag serbisyo ang nasambit nga alkalde sa diin dako ang kabaguhan sa syudad sang Koronadal pinaagi sa mga prorama sini kag mga proyekto nga gintukod sa amo nga syudad.
Dugang pa kay Hernandez, isa sa pagkilala niya sa nasambit nga alkalde nga mahilig ini mag sekreto pareho sang iya nga sakit sa diin wala niya ginapahibalo sa publiko bangud padayon ini nga nagapabakod para sa mga katawhan kag sa iya nga pag serybisyo.
Gindugang pa ni Hernandez, nagapabilin ang iya nga legasiya sa syudad sang Koronadal sa diin madamo na ini natapos kag nahimo sa diin may dako nga pagbag-o sa nasambit nga syudad.
Nagapanawagan naman si Hernandez sa publiko nga magapabilin ang pag respeto kag pagpasalamat sa alkalde sa iya nga pag serbisyo sa syudad sang Koronadal.
