Nagpagwa na sang memorandum ang Commission on Elections (COMELEC) angot sa guidelines sa paggamit sang social media accounts, websites kag internet-based campaign platforms nga irehistro sa ila talatapan sa palaabutong nga 2025 midterm elections.
Suno sa resolusyon, kinanglan nga nakarehistro ang tanan nga mga ini sa Education and Information Department sang COMELEC.
Ang mga kandidato lang kag mga authorized representatives sang mga political party/coalitions kag party-list organizations ang pwede nga magsumiter sang registration forms.
Paandam man sang poll body, indi dapat ini pagadondohan ukon maimpluwensiyahan sang bisan ano man nga foreign entity nga magaresulta sang panghilabot sa eleksyon sang Pilipinas.
Suno sa COMELEC, kinanglan nga matapos ang pagparehistro bag-o ukon sa adlaw sang December 13.
Samtang, ginumpisahan sa karon ang pagdawat samg aplikasyon sang Comelec agud ma-exempt sa pagpatuman sang gun ban angot sa 2025 midterm elections.
Suno kay COMELEC Chairman George Erwin Garcia, magadugay lang sang isa ka semana ang pagproseso sang aplikasyon, kung kumpleto ang requirements kag indi na magpabalik-balik.
