KORONADAL CITY – Dismayado ang Koronadal City Engineering Office sa pila ka mga establisemento sa syudad makaligad gin dis-ayrehan ang mga ini nga makasulod sa mga edifisyo agud matsekyar kun luwas ini makaligd ang Magnitude 6.6 nga linog.
Nahibaluan nga ang City Engineering Office ang ginapamunuan nanday Engineer Ruel Tianchon kag Architect Marvin Alegria.
Base sa pahayag sang City Engineering Office, indi suno pa sila pagpasudlon sa pila ka mga establisemento agud magpatigayon sang inspeksyon.
Apang sa pihak sini ginhatagan punto sang City Engineering Office nga wala sila nagapamilit nga magsulod apisar makapila ka bes sila nagpaathag kag nagpakilala bilang mga otoridad.
Ginhatagan punto man sang City Engineering Office nga sa pagkamatuod madamo sang naga request sang ila serbisyo agud matsekyar ang mga buildings kag mapalayo sa peligro ang kabuhi sang mga pumuluyo ilabi na ang mga empleyado sang mga talatapan pribado man ukon pampubliko.
Sa subong yara sa masobra 30 ka mga edifisyo ang nagapanawagan nga ma inspeksyon sila sang City Engineers.
