Ginhimo nga mas barato pa sang Department of Agriculture ang presyo sang bugas nga igabaligya sa mga Kadiwa store sa idalom sang Rice-for-All program sang ahensiya.
Suno kay Agriculture Secretary Francisco Tiu Laurel Jr., ang presyo sang nasambit nga bugas nga magabakal sa Kadiwa stores ang inpanaog halin sa P40 kada kilo sa P38 kada kilo nalang.
Ang nasambit nga bugas ang 25% nga broken rice variety.
Magin epektibo ang bag-o nga presyo bwas nga adlaw sang, Biyernes, Enero 17.
Suno man sa igapatuman ang maximum suggested retail price (MSRP) nga P58 kada kilo para sa 5% nga broken imported rice sa adlaw sang Lunes, Enero 20.
Angot sini, magahimo ang ahensiya sang bulanan nga pag-review sa presyo agud magka-angay sa mga paghulag sang mga presyo sa global market kag taripa kaupod sini ang pagpalapad sang nasambit nga programa sa iban pa nga madagko nga syudad sa bug-os nga pungsod.
