KORONADAL CITY- Gin-arestar ang isa ka barangay kapitan sa banwa sang Surallah South Cotabato sa ginlunsar nga operasyon sang gintingob pwersa nga Surallah PNP, Provincial Mobile Force Company kag Regional Enforcement Unit sang PNP Region 12.
Sa ekslusibo nga interbyu sang Bombo Radyo Koronadal kay PCI Jardi Mond Sibal, hepe sang Surallah Municipal Police Station, arestado si Brgy. Upper Sepaka Surallah South Cotabato kapitan Pudi Ambalgan sa kaugalingon sini nga puluy-an.
Nahibaluan nga ang pagsirber sang search warrant ang may kaangtanan sa RA 9165 o Comprehensive Dangerous Drugs Act 2002, RA 10591 o Comprehensive Firearms and Ammunition Regulation Act kag RA 9516 o law on explosive.
Narekober sa posisyon sini ang mga iligal nga armas nga ginakabug-usan sang 2 cal. 45 kag isa ka cal. 30 carbine apang nagnegatibo naman sa iligal nga droga kag eksplosibo..//Nahibaluan man nga si kapitan Ambalgan ang anay drug surrenderee sang PNP.
Sa subong yara na ini sa kustodiya sang Surallah PNP kag natalana nga pasakaan sang kaso nga paglapas sa RA 10591.
