Brad Pitt “aware and upset” sa request ni Shiloh nga kakason ang iya nga ngalan ang apelyido sang iya nga amay

Nagakasubo sa karon ang actor nga si Brad Pitt angut sa balita nga luyag sang iya anak nga Shiloh nga kakason na ang apelyido sini nga Pitt.

Base sa source sang news site nga PEOPLE “aware and upset” si Brad sa desisyon sang iya 18 anyos nga anak nga babaye nga kakason na sa ngalan niya ang apelyido sang iya amay.

Matapos naglab-ot na sa legal nga edad, sang May 27, gin-file ni Shiloh sa korte ang request nga himuon nga “Shiloh Jolie” ang iya ngalan.

Sa karon, suno sa source, malipayon si Brad sa girlfriend niya nga si Ines de Ramon, apang masakit sa iya nga malayo sia sa iya mga anak.

Magluwas kay Shiloh, ginkakas naman sang kamanghuran nga si “Vivienne Jolie” ang iya apelyido base sa playbill para sa new Broadway musical nga The Outsiders.