KORONADAL CITY- Nagtuga sang tuman nga trapiko kag kahadlok sa mga biyahero sa Maguindanao ang ginbilin nga bomba sa gilid sang dalan sa Barangay Poblacion, Ampatuan, Maguindanao.
Nahibaluan nga una nga ginreport sang isa ka sibilyan ang presensya sang isa ka makaduluda nga bagahe nga ginsulod sa sako kag gilayon naman nga ginresponderan sang mga katapo sang 2nd Mechanized Infantry Battalion kag 32nd Explosive Ordnance Disposal team kag ginkordon ang lugar.
Narekober ang isa ka pipe bomb nga may yara sang cellphone triggering device kag gilayon man nga nadisrupt sang mga otoridad.
Bangsamoro Islamic Freedom Fighters naman ukon BIFF ang isa sa mga ginatudlo nga posible nagbilin sang bomba sa lugar kun sa diin suno kay 6th Infantry Division Commander, Maj. Gen. Cirilito E. Sobejana target sang mga bandido nga grupo ang mga commuters nga nag agi mangin man ang mga residente nga naga istar sa lugar.
