KORONADAL CITY – Pagtuon sang maayo kag pangamuyo sa Diyos ang nangin sekreto sang isa ka Koronadaleño kun ngaa nakab-ot sini ang kadalag-an kag nalakip sa masobra 3mil ka mga nakapasar sa ginpaguwa nga resulta sang 2016 Board Exam.
Sa eksklusibo nga interbyu sang Bombo Radyo Koronadal kay Thomas Joseph Nebulos, 35, may asawa kag residente sang Callejo St., Brgy. GPS, Koronadal City, ginpahayag sini nga mabudlay ang Bar exam apang wala siya nadulaan sang paglaum bangud masami siya nga nagapangayo sang giya sa Mahal nga Makaako.
Suno kay Nebulos, ini ang una nga tion nga nagkuha siya sang Bar exam kag nangin maswerte siya sa iya nga first take.
Kaangot sini, luyag ni Nebulos nga makasulod sa Public Attorneys Office sa siyudad sang Koronadal agud nga makabulig sa mga pigado labi na ang mga wala sang ikasarang nga magbayad sang abogado.
Luyag man niya nga maghatag snag libre nga serbisyo kag konsultasyon sa mga pumuluyo nga luyag maghingyo sang legal advice sa mga kaso nga ila ginapangatubang.
Nahibaluan nga si Nebulos ang nagtakop sang law school sa University of Manila.
