KORONADAL CITY- Kahimuan sang Bangsamoro Islamic Freedom Fighters ukon BIFF ang panibag-o nga paglupok sang Improvised Explosive Device (IED) sa probinsya sang Maguindanao pasado alas-7 kaina sang aga.
Sandig sa report, naglupok ang bomba sa kilid sang dalan sa Barangay Timbangan, Shariff Aguak, Maguindanao samtang nagapatigayon sang foot patrol ang mga katapu sang 40th Infantry Battalion Philippine Army.
Maswerte na lamang nga wala sang napilasan sa paglupok magluwas na lamang sa kahadlok nga natuga sini sa mga residente nga nag-agi sa lugar.
Narekober sa lugar ang mga nabilin nga kabahin sang IED nga ginalakipan sang 9 volts battery, wires, lansang, blasting cap kag cellphone nga gingamit bilang triggering mechanism.
Madumduman nga sang nagligad nga bulan duha ka IED man ang ginpalupok sang BIFF sa Brgy. Timbangan Shariff Aguak kag Shariff Saydona Mustapha Maguindanao.
Kaangot sini, nagpanawagan ang 40th IB sa mga pumuluyo nga mangin alerto kag ipahibalo sa ila sat ion nga may makita nga sigthings sang mga armado.
