KORONADAL CITY- Ginkumpirmar sang Esperanza PNP nga may ginpatigayon nga pagtililipon ang mga Bangsamoro Islamic Freedom Fighters (BIFF), Moro Islamic Liberation Front (MILF), kag iban pa nga mga lawless element group sa bahin sang Brgy. Sanyag sa banwa sang Ampatuan, Maguindanao.
Suno kay PCI Brayn Bernadino, hepe sang Esperanza PNP, sandig sa intelligence report, may duha ka adlaw na nga nagatipon ang mga grupo sa lugar rason nga nagapadayon ang monitoring sang mga suldado kag kapulisan sa mga kaiping nga lugar.
Gindugang pa sini nga nagapadayon man ang validation sa sini nga balita.
Samtang, dako nga pamangkot sa subong mangin sa mga otoridad kun ano ang rason kag ginaplano sang mga ini kun ngaa nagtililipon ang mga in.
Sa subong ginpaidalom na sa red alert status ang banwa sang Esperanza sa Sultan Kudarat nga kaiping nga lugar lamang sang Brgy. Sanyag kag nagpatawag na sang pagsinapol ang mga opisyal agud mapalab-ot sa mga residente ang nasambit nga hitabo.
Kaangot sini, nagapanawagan naman ang mga opisyal sa mga residente nga magpreparar kag mangin vigilante sa anuman nga ginaplano sang nasambit nga mga grupo agud nga indi masulod ang pila pa ka lugar sa Sultan Kudarat.
