KORONADAL CITY – Natumod na sang mga otoridad ang suspek nga responsable sa hana nga pagpalupok sang bomba sa siyudad sang Tacurong, Sultan Kudarat.
Ginkilala ni Police Supt. Jeofel Siason ang suspek na si Ysser Saligan, miyembro sang Bangsamoro Islamic Freedom Fighters (BIFF).
Natumod ang nasambit nga suspek base sa testimonya sang mga testigo.
Plano kuntani nga itanom sang suspek ang bomba sa sentro sang Tacurong City apang bangud sa hugot nga mga check points, ginbilin na lamang sini sa atubangan sang Griño Elementary School.
Ang nasambit nga bomba ang hinimo sa 105 howitzer ammunition nga may nakakabit nga cell phone bilang triggering mechanism.
Base sa intelligence monitoring sang PNP, magluwas sa siyudad sang Tacurong plano man sang grupo nga maglunsar sang pagpamomba sa banwa sang Isulan, Sultan Kudarat.
Madumduman nga ginaangot man sang kapulisan sa BIFF ang naarestar nga duha ka suspek sa pagpamomba sa siyudad sang Koronadal.
