Bangkay sang lalaki nakita nga nagalutaw sa suba T’boli, South Cotabato

KORONADAL CITY- Nagapadayon sa gihapon ang imbestigasyon sang T’boli PNP sa bangkay nga nasapwan nga nagalutaw sa Allah River sa Brgy. New Dumangas sa banwa sang T’boli, South Cotabato.

Sa interbyu sang Bombo Radyo Koronadal kay Brgy. New Dumangas kapitan Dante Tidula nakilala ang biktima sa pangalan nga Arnold Balibadlan, 43 anyos, may asawa kag 2 ka bata nga residente sang nasambit nga lugar.

Natukiban sang mga nagapanguryente sang isda sa suba ang bangkay kun diin yara na ini sa state of decomposition.

Posible suno pa nga may foul play sa insidente kag indi ordinaryo nga pagkalumos lang ang natabo.

Sa subong, nagapadayon pa ang imbestigasyon sa natabo nga krime