KORONADAL CITY- Nagapadayon ang imbestigasyon sang mga otoridad sa pagpangluthang patay sa bag-o gid lamang ginhilway sa presuhan sa syudad sang Tacurong.
Ginkilala ang biktima nga si Renato Torres Brasa 33 anyos, separar sa iya nga live-in partner kag residente sang Purok waling-waling Barangay New Isabela.
Nagwa sa imbestigasyon sang Tacurong City PNP nga makapila ka bes nag ginluthang sang mga suspek ang biktima sa gwa sang video k bar alas-10;50 sa bahin sang national highway Purok Sampaguita Barangay Buenaflor Tacurong city.
Suno naman sa manager sang bar na si Wilma Obero, bag-o lamang sila nagbalik sa Nimfa’s Videoke Bar sang makit-an nila ang biktima sa atubang sang bar sang may duha ka motorsiklo nagpondo kag ginpangluthang ang biktima.
Nahibaluan nga suno sa utod sang biktima nga si Rosario Brasa Abuso, pila ka bulan pa lamang ini nga nahilway bangud sa kaso nga pagpangawat sa Davao City.
Nag-angkon naman sang igo sang bala sa ulo ang biktima nga kabangdanan sang iya kamatayon.
Narekober man sa crime scene ang mga empty shell sang cal. 45 nga gin usar sa pagpangluthang sa biktima.
