KORONADAL CITY- Nagpanawagan subong sang bulig ang pamilya sang isa ka Assistant School Principal sa probinsya sang Sultan Kudarat makaligad ini nga madula sa sulod na sang halos 1 ka semana.
Sa impormasyon nga ginapalab-ot sang pamilya, ginkilala ini kay Salvador Dangaran Bacaoco, 47 anyos, may asawa kag Assistant School Principal sang Esperanza National High School kun sa diin na-missing suno pa ini sang Oktubre 9, 2018.
Nahibaluan nga halin sa Poblacion, naglisensya lang suno pa ini nga magapadulong sa ila puluy-an sa Brgy. Numo sa nasambit nga banwa sakay sang motorsiklo apang wala nakabalik pa.
Sa karun indi pa makontak ang telepono sang Assistant School Principal kag wala naman ini nakareport pa sa buluthuan kag ginakahadlukan nga gin abduct.
Nagalaum naman ang pamilya sini nga makabalik pa sya nga luwas samtang nagapadayon ang imbestigasyon sang Sultan Kudarat PNP.
