KORONADAL CITY – Nakahanda nga mag-atubang sa imbestigasyon si Police Senior Supt. Alex Sintin makaligad nga gin-akusaran ini nga suno pa bagman kag kolektor sang mga payola gikan sa mga illegal nga aktibidad.
Sa eksklusibo nga interbyu sang Bombo Radyo Koroandal kay Sintin, ginpahayag sini nga bukas siya sa anuman nga imbestigasyon bangud may mga ginauyatan siya nga dokumento nga makapamatuod nga wala siya sang kahilabtanan sa mga illegal nga aktibidad mangin si anay DILG Secretary Mike Sueno.
Suno pa kay Sintin, dapat nga indi lamang siya ukon si Sueno ang mangin subject sang imbestigasyon kundi ang tanan nga mga police officials nga possible nga nag-agamit sang pangalan ni Sueno sa pagbaton sang payola.
Mahimo man nga ipatawag ang pila ka mga police officers nga nasampulan sang disciplinary action sang DILG bangud sa paggamit sang pangalan sini aggud nga makakuha sang dakoa nga katidad sang kwarta gikan sa mga mga sindikato kag illegal nga buluhaton.
Nagapati naman si Sintin nga may dalagko nga mga tawo nga naigo ni Sueno rason nga ginhimuan ini sang isyu kag pilit nga ginalakip ang iya pangalan sa aligasyon sang korupsiyon, pagbaton sang payola kag iban pa.
