Ginabulubanta nga 70 tubtob 80 porsyento sang mga kabangdanan sang aksidente sa kadalan-on ang nagahalin sa mga sala sang mga nagamaneho sang salakyan.
Sa interview sang Bombo Radyo Koronadal, ginpahayag ni Arnel B. Falcis, Deputy Chief for Administration sang City Traffic Management Division (CTMD) sang Koronadal, nga nagadamo na ang mga salakyan sa kadalan-on nga nagadulot sang pagbug-at sang trapiko sa syudad.
Suno sa iya, nagapatigayon ang CTMD sang nagkalain-lain nga tikang agud makontrol ang pagdalagan sang trapiko kag maminusan ang paghuot sini bisan pa nagadamo ang mga salakyan nga nagagamit sang kadalan-on.
Ginpabutyag man ni Falcis nga 70 tubtob 80 porsyento sang mga kabangdanan sang aksidente sa dalan ang may kaangtanan sa sala sang mga nagamaneho, pareho sang delikado nga pag-overtake, indi nagakaigo nga pagpundo kag sayop nga pagliko.
Bangud sini, ginapahanumdom ang mga nagamaneho nga maghalong kag magsunod sa mga patakaran sa trapiko agud malikawan ang aksidente sa kadalan-on.













