Ginpakita sang defense team ni Vice President Sara Duterte ang isa ka video clip halin sa impeachment trial ni anay Chief Justice Renato Corona, nga makita sa sini si anay Senator-Judge Miriam Defensor-Santiago nga daw nagahatag sang lecture sa House prosecution panel.
Isa sa mga punto nga ginhambal ni Defensor-Santiago sa video amo ang iya pagbatikos sa ginapahayag nga pagsaulog sang prosekusyon nga daw nakadaog na sila sa kaso bisan wala pa matapos ang paglilitis.
Pagkatapos sang pila ka minutos nga pagpasalida sang video, ginpahunong ini ni Trial Presiding Officer Chiz Escudero.
Samtang, ginpahayag ni Senador Erwin Tulfo nga wala siya makakita sang rason ukon kaangtanan sang nasambit nga video sa kasamtangan nga paglilitis. Ginpangabay man niya ang depensa nga pagpahuwayon na lamang ang napatay nga anay senador.
Ginsuportahan man ni Senador Ping Lacson ang pahayag ni Tulfo.













