Indi kumbinsido ang House prosecution panel nga ang deklarasyon ni Vice President Sara Duterte sa GenCorp Industries Inc. bilang isa ka business interest sa iya Statement of Assets, Liabilities and Net Worth (SALN) isa lamang ka “honest mistake”.
Suno kay House prosecutor Joel Chua kag prosecution adviser Robert Ace Barbers, gindeklarar ni Duterte ang GenCorp sa sulod sang duha ka asud-asud nga tuig, samtang ang mga kompaniya nga nauna diri nalista man sa iya nauna nga SALNs.
Ginkwestyon man ni Chua ang pag-angkon nga wala sang kahilabtanan sa negosyo si Duterte sa amo nga kompaniya sa diin gintumod ang P33-million nga transaksyon sa tunga sang GenCorp kag sang gobyerno sang Davao City, subong man testimonya angut sa iya pagbaton sang P2.1 million bilang return of capital.
Para kay Barbers, ang sulitsulit nga deklarasyon sang kompanya sa sulod sang duha ka tuig indi makabig nga isa ka maathag nga sala.
Samtang, ang impeachment trial ang natalana nga magabalik subong nga adlaw sang Huwebes Nobyembre 19, sa diin ang kampo ni Duterte magapresentar sang dugang nga ebidensya bilang kabahin sang iya depensa.













