-- ADVERTISEMENT --

Nagapabilin sa ibabaw sang leaderboard si South Korean golfer Song Min-hyuk matapos mapalapad sa pito ka stroke ang iya abanse antes ang katapusan nga hugna sang 108th Philippine Open sa Manila Southwoods.

Nakapagtala ang 22-anyos nga si Song sang lima ka stroke sa idalom sang par ukon 65 sa ikatlo nga hugna, nga nagdala sa iya kabug-usan nga iskor sa 195.

Suno kay Song, kinahanglan lamang nga magpadayon siya sa maayo nga paghampang agud masiguro ang iya kadalag-an, bisan pa nga posible nga malab-ot siya sang mga kaatbang kon makakuha ini sang talalupangdon nga iskor.

Samtang, yara sa ikaduha nga pwesto ang Thailand golfer nga si Sarit Suwannarut matapos magtala sang 68, pito ka stroke ang iya kalayuon kay Song.

Ang Filipino golfer nga si Justin Quiban amo naman ang pinakamataas nga Pilipino sa palumba, apang siyam ka stroke ang iya kalayuon sa panguna nga iskor.

Ang torneo nga may kabug-usan nga premyo nga USD1 milyon ukon kapin P64 milyon ginapresentar sang Philippine Sports Commission.