Nag-atubang sang pag-untat kag pagkadelatar sa pila ka transportasyon kag serbisyo sang gobyerno sa Spain matapos ang malapnagon nga hublag-protesta nga ginpatigayon sa nagkalain-lain nga bahin sang pungsod.
Ini ang una nga general strike sa sulod sang 14 ka tuig, nga ginpangunahan sang mga grupo nga nagapanawagan sang solusyon sa nagasaka nga presyo sang mga baraklon kag nagabug-at nga problema sa pagpangita sang barato nga puluy-an.
Lakip sa mga nangin sentro sang protesta amo ang Madrid kag Barcelona kun sa diin nagtipon ang madamo nga mga demonstrador agud ipahayag ang ila mga reklamo.
Sa pihak nga bahin, ginpahayag naman sang Spanish Confederation of Business Organisations nga limitado lamang ang epekto sang hublag-protesta kag nagpadayon gihapon ang operasyon sang madamo nga negosyo.
Sa pihak sini, may pila ka demonstrador nga gin-arestar sang kapulisan, partikular ang mga gin-akusaran nga nagtinguha magsulod sa mga talatapan sang gobyerno.
