Ginmanduan sang Department of Energy (DOE) ang mga kompanya sang langis nga dungan nga ipatuman ang bug-os nga pagnubo sang presyo sang petrolyo nga maga-epekto buwas, Nobyembre 10, kag indi ini tunga-tungahon.
Suno sa DOE, ang mga kompanya nga indi magasunod mahimo nga magbaton sang show-cause order kag mag-agi sa maid-id nga pagsusi.
Sa bag-o nga pag-adjust, maganubo sang ₱16.80 kada litro ang gasolina, ₱4.10 ang diesel kag ₱3.70 ang kerosene.
Ginpaathag sang ahensya nga resulta ini sang pagnubo sang presyo sang krudo sa bug-os nga kalibutan, kasunod sang paghagan-hagan sang tensyon sa tunga sang Estados Unidos kag Iran.
Ginpabutyag ni DOE Undersecretary Alessandro Sales nga indi ginatugutan ang hinay-hinay nga pagpatuman sang pagnubo sang presyo, kag ginpasalig nga hayag kag wala nagabag-o ang pamaagi sang ahensya sa pagkalkula sang presyo.
Gindugang niya nga ang staggered implementation kinaandan nga ginahimo kon may pagsaka sang presyo, indi kon may daku nga pagnubo sini.
