Nagpabutyag ang Canadian singer nga si Alanis Morissette nga iya na karon ginakilala ang kaugalingon bilang isa ka pansexual.
Suno sa 52-anyos nga singer, sa ulihi na niya natukiban kag naintindihan ang bahin sang iya sekswalidad.
Ang pansexualidad amo ang atraksyon ukon pagkabihag sa isa ka tawo nga wala nagabase sa iya gender, kundi mahimo nga nakasentro sa personalidad kag iban pa nga kinaiya sini.
Sa pihak sini, nagpabutyag man si Morissette sang pagpangayo sang pasaylo sa mga lalaki nga nagka-interes ukon nangaluyag sa iya.
Dugang sa iya, indi lamang siya ang personalidad sa industriya sang musika nga nagpahayag sang amo nga sekswalidad.
Lakip man sa mga kilala nga artista nga nag-ila bilang pansexual amo sanday Miley Cyrus, Janelle Monáe kag JoJo Siwa.
Samtang, nagpagwa man ang singer sang bag-o nga album nga nagalakip sang koleksyon sang mga holiday music.
