Nagpanawagan si US President Donald Trump kay NBA superstar LeBron James nga magpangayo sang pasaylo bangud sa gin-alegar nga indi pagrespeto sang basketbolista sa national anthem sang Estados Unidos.
Suno kay Trump, wala kuno nag-untat si James sa iya ginahimo samtang ginapatukar ang national anthem sang pungsod.
Nagluntad ang insidente samtang nagapraktis ini sang golf swing kag mga tira sa basketball antes sang ila hampang kontra sa New York Knicks.
Gin-insister ni Trump nga nagpakita suno pa si James sang indi pagrespeto sa Estados Unidos kag dapat ini magpangayo sang pasaylo, lakip na sa mga baganihan nga nagserbisyo para sa pungsod.
Indi ini ang una nga tion nga nagbinayloay sang kritisismo ang duha. Sang 2018, ginpakamatarong ni Trump ang iya kaugalingon nga pagpamintas kay James kag ginlaragway ang basketbolista nga indi maalam.
Sa pihak sini, gin-akusaran man ni James si Trump nga may yara sang racism. Samtang, sang Hulyo, ginpahayag ni Trump ang iya pagpili kay Michael Jordan bilang pinakamaayo nga basketbolista sa kalibutan, nga nagdugang sa nagapadayon nga diskusyon parte sa iya mga komento sa mga kilala nga atleta sang NBA.
