Magahulam ang Pilipinas sang ginabanta $1.5 bilyon sa Asian Development Bank (ADB) agud mapahagan-hagan ang epekto sang krisis sa Middle East sa mga commuters, manubo ang kita nga pamilya, kag overseas Filipino workers (OFWs).
Suno sa Department of Finance (DOF), ang Finance Secretary Frederick Go nagpirma sang isa ka kasugtanan para sa isa ka pautang nga nagalab-ot sa 236.64 bilyon nga Japanese yen, nga gintuyo para sa “Unified Package for Livelihoods, Industry, Food, and Transport” (UPLIFT) nga programa.
Nagatuyo ang programa sa pagsiguro sang nagakaigo nga suplay sang gatong kag kuryente, huptan nga barato ang pamasahe sa transportasyon, kag paghatag sang bulig pinansyal sa mga apektado nga sektor—lakip na ang pagpauli kag pagsuporta sa mga OFWs nga apektado sang inaway.
Samtang, ginpanubo sang ADB ang forecast sang economic growth forecast para sa Pilipinas para sa 2026 halin sa 3.8% pakadto sa 3.3%, bangud sa pagtaas sang inflation kag ang epekto sang krisis sa konsumo kag investment.
