Wala pa ginaangot sang Department of the Interior and Local Government (DILG) ang isa ka drug syndicate nga nakabase sa Davao sa nasabat nga 521 ka kilo sang ginapatihan shabu nga nagabalor sang P3.5 bilyon sa Laos.
Suno kay Interior Secretary Jonvic Remulla, nagapokus pa ang imbestigasyon sa pagtumod sang mga indibidwal nga posible may kaangtanan sa operasyon.
Natukiban naman nga ang Golden Triangle ang ginapatihan ginhalinan sang ilegal nga droga.
Ginkilala sang mga awtoridad si anay Bangsamoro parliament member Edrieza Hadji Nasser Rimbang bilang suspek nga ginapatihan nagpondo sa pag-arkila sang pribado nga eroplano nga kuntani magadala sang droga halin sa Laos pakadto sa Manila.
Apang, wala pa ginadula sang mga imbestigador ang posibilidad nga may iban pa nga personalidad nga nalambigit.
Ginklaro man ni Remulla nga wala pa sang napamatud-an nga koneksyon si anay Presidente Rodrigo Duterte sa ginapatihan operasyon sang pagpuslit sang droga.
Sa karon, padayon nga ginatutukan sang Philippine National Police (PNP) kag Philippine Drug Enforcement Agency (PDEA) ang mga posible nga nalambigit, lakip ang mga transaksyon sa pinansyal.
Ginalauman man ang resulta sang laboratory test sa Laos agud makumpirmar ang klase sang substansya nga nasabat./
