Nagapangayo ang Bangko Sentral ng Pilipinas ukon BSP sang bug-os nga kooperasyon sang mga bangko kag iban pa nga financial institutions para sa 2027 anti-money laundering review sang Pilipinas.
Suno sa BSP, importante ang impormasyon halin sa mga financial institutions agud mapakita nga epektibo ang mga sistema sang pungsod batok sa money laundering, terrorist financing kag iban pa nga iligal nga financial activities.
Sa 2027, magaagi ang Pilipinas sa ikaapat nga round sang evaluation sang Financial Action Task Force ukon FATF.
Susihon diri ang pagsunod sang pungsod sa internasyonal nga standards kag kon epektibo ang pagpatuman sang mga anti-money laundering measures.
Nagakatabo ini samtang ginatutukan ang alegasyon sang iligal nga financial flows nga may kaangtanan sa kontrobersiya sa flood control projects.
Ginalauman sang BSP kag AMLC nga mapalig-on pa ang mga mekanismo sang pungsod antes ang 2027 evaluation.
