Nag-igo ang isa ka landslide sa isa sa mga panguna nga starting point sang mga naga-hike sa Mount Fuji, Japan, matapos ang mabaskog nga pag-ulan.
Natabunan sang debris ang tatlo ka salakyan, apang wala sang napilasan ukon napatay.
Bangud sini, gilayon nga ginsarado man ang Fuji Subaru Line matapos ang landslide kag mabaskog nga ulan.
Samtang, na-rescue man ang duha ka climber nga wala sang pangalibutan sa magkalain-lain nga trail sa Mount Fuji.
Apang gina-imbestigaran pa kun may kaangtanan ini sa landslide.
Samtang, sa separado nga landslide sa Shizuoka, napatay ang isa ka worker, samtang napilasan ang 41 ka indibidwal bangud sang pagbaha sa Aichi kag Gifu.
Nagdangat sa record nga 104.5 millimeters ang ulan sa Nagoya sa sulod sang isa lamang ka oras.
Ginalauman nga magapadayon ang mabaskog nga ulan sa pila ka bahin sang Japan tubtob Miyerkules sang hapon.
