Ginkasal na si FPJ Panday Bayanihan Party-list Representative Brian Poe Llamanzares sa iya nobya nga si Department of Justice (DOJ) Undersecretary Margarita Gutierrez.
Ginpangunahan ang ila pag-isahanay sa Santuario De San Jose sa Mandaluyong City.
Lakip sa mga napilian nga ninang kag ninong sanday First Lady Liza Marcos, Senator Tito Sotto, Manila Mayor Isko Moreno, Quezon City Mayor Joy Belmonte, kag mga negosyante nga sanday Ramon Ang, Tessie Sy Coson kag Lance Gokongwei.
Ginhiwat ang reception sa Foro de Intramuros sa syudad sang Maynila.
Nahibaluan nga bata ni anay Senator Grace Poe kag Neil si Brian, kag apo sang nagtaliwan nga aktor nga si Fernando Poe Jr.
Samtang si Gutierrez, nga isa ka abogado, nangin modelo man kag bata ni anay Department of Justice Secretary kag Ombudsman Merceditas Gutierrez.
