Nagdangat sa US$104.8 bilyon ang Gross International Reserves ukon GIR sang Pilipinas sa katapusan sang Agosto 2026, suno sa Bangko Sentral ng Pilipinas (BSP).
Suno sa BSP, nagapabilin nga bastante kag mabakod ang reserves sang pungsod agud matubag ang kinahanglanon sa pag-import sang mga produkto kag serbisyo, pagbayad sang external nga utang, kag mangin proteksyon batok sa mga posible nga hangkat sa pangkalibutan nga ekonomiya.
Isa sa mga panguna nga kabangdanan sang pagsaka sang GIR amo ang pagsaka sang bili sang bulawan sa world market, nga nagpadako sa bili sang gold holdings sang BSP.
Apang, dyutay nga nagnubo ang reserves bangud sa pagkuha sang national government sang foreign currency deposits sa BSP angot sa pagbayad sang mga obligasyon sa external nga utang.
Ang kasamtangan nga GIR level bastante para masuportahan ang 6.8 ka bulan nga imports sang mga produkto kag serbisyo, kag mahimo man nga magtabon sang 3.7 ka beses sang external debt sang Pilipinas base sa residual maturity.
