-- ADVERTISEMENT --
Nagpanawagan si Lanao del Sur Rep. Zia Alonto Adiong sang madasig, maid-id kag kompleto nga imbestigasyon sa pag-atake sa convoy ni BARMM interim Chief Minister Abdulraof “Sammy Gambar” Macacua sa Maguindanao del Norte.
Ginpahayag ni Adiong nga kinahanglan gilayon matukiban, madakop kag mapanabat ang mga responsable sa insidente.
Ginpabug-atan man niya nga indi lamang seguridad sang BARMM ang yara sa peligro lakip ang peace process sa Bangsamoro.
Importante ini bangud nagluntad ang insidente isa ka bulan antes sang una nga parliamentary elections sang rehiyon sa Setyembre 14.
Nagpanawagan si Adiong sa tanan nga panig nga sulbaron ang mga hidwaan paagi sa dayalogo, demokratiko nga mga institusyon kag rule of law, kag indi paagi sa pagpintas.
