Mainit nga ginsugata ni President Ferdinand R. Marcos Jr. si US Secretary of State Marco Rubio kag iban pa nga mga opisyal sang Estados Unidos sa Malacañang.
Ginpabutyag sang Presidente ang padayon nga malapad kag mabakod nga relasyon sa tunga sang Pilipinas kag Estados Unidos.
Gintalakay man sang duha ka lider ang nagakadako nga importansya sang artificial intelligence ukon AI, indi lang sa subong nga tion kundi para man sa masunod nga henerasyon.
Samtang, ginhisgutan nila ang posible nga pagbinuligay sang duha ka pungsod sa pagpauswag sang AI sa Pilipinas agud maka-awhag sang dugang nga mga pamuhunan, makakreer sang mas madamo nga trabaho, kag mapauswag ang kahibalo kag kapasidad sang mga Pilipino sa digital technology kag AI.
Nagpahayag naman sang kalipay si President Marcos sa pagbisita ni Secretary Rubio sa Pilipinas.
Ginpat-od man sang Pilipinas kag Estados Unidos ang ila padayon nga kooperasyon kag pagpalig-on sang bilateral nga relasyon, nga ginakabig nga importante sa pagpauswag sang ekonomiya, seguridad, kag iban pa nga larangan sang pagbinuligay sang duha ka pungsod.
