Ginpahayag ni Senator-Judge Alan Peter Cayetano nga indi dapat huna-hunaon nga pag-usik sang tion ang pagtalakay sa integridad sang mga senator-judges kag sang Senate impeachment court, kasunod sang pahayag ni Senator-Judge Erwin Tulfo nga indi dapat usaron ang impeachment trial sa paghisgot sang personal nga mga isyu sang mga senador.
Ini kasunod sang pagsaysay ni Senator-Judge Robin Padilla may kaangtanan sa kaso nga obstruction of justice nga ginsaka batok sa iya.
Suno kay Padilla, nakasumiter na siya sang counter-affidavit sa Office of the Ombudsman.
Sabat ni Tulfo, ang katuyuan sang impeachment court amo ang paghibalo kun may sabat si Vice President Sara Duterte sa mga reklamo batok sa iya, kag indi ang pagtalakay sang personal nga mga kaso sang mga senador.
Apang ginpabutyag ni Cayetano nga importante ang integridad sang korte kag sang mga hukom sa impeachment proceedings.
Ginpaklaro man niya nga ang buluhaton sang mga senator-judges amo ang pagtimbang sang ebidensya kag pagdesisyon kon dapat bang ma-acquit ukon ma-convict ang akusado, samtang ang prosekusyon ang may responsibilidad sa pagpamatuod sang mga alegasyon kag ang depensa ang magapakita sang ila sabat.
