Nalubong sang duta ang pila ka residential buildings kag wala pa matumod ang eksakto nga numero sang mga tawo nga natrap matapos ang landslide sa Pengshui County, Chongqing sa Southwestern China bahin sang China sang Biyernes, Hulyo 17.
Suno sa state media, walo ka tawo ang naluwas halin sa mga debris samtang nagapadayon ang search and rescue operations sang mga otoridad agud pangitaon ang iban pa nga posible nga natrap sa idalom sang nahugno nga duta.
Nagluntad ang landslide pasado alas-9:00 sang aga sa Pengshui County, nga nahamtang sa Southwestern China nga bahin sang Chongqing kag sa mga probinsya sang Hubei kag Guizhou.
Nagapadayon man ang pagbantay sang mga rescue team sa lugar bangud sa posible nga dugang nga paghugno sang duta nga mahimo magpabudlay pa sa nagapadayon nga operasyon.
Sa karon, wala pa nagapagwa ang mga otoridad sang opisyal nga numero sang mga casualty ukon missing persons, samtang ginapadayon ang imbestigasyon agud mahibaluan ang kabug-usan sang halit nga gintuga sang landslide.
