Nagalaum si Impeachment Court Presiding Officer Francis Escudero nga maresolbar na sang Korte Suprema ang isyu sa kinahanglan nga kadamuon sang boto para mahatagan sang desisyon ang isa ka respondent sa impeachment trial antes magpaguwa sang pinal nga desisyon ang Senado sa kaso ni Vice President Sara Duterte.
Suno kay Escudero, ang nagapadayon nga basehan sang impeachment court amo ang 16 ka boto ukon two-thirds sang 24 ka miyembro sang Senado, suno sa Konstitusyon kag sa nagapadayon nga desisyon sang Korte Suprema sa kaso nga Bayan v. Zamora.
Ginpahayag man niya nga bisan 21 lamang ang aktibo nga senador sa subong, ang kinahanglan nga boto nagabase gihapon sa kabug-usan nga 24 ka puwesto sa Senado.
Dugang pa niya, wala siya sang ginhimo nga kasugtanan sa iban nga mga senador angut sa isyu, sa baylo ginpaathag lamang ang iya legal nga interpretasyon.
Nagapati man siya nga mas maayo nga maresolbar ini sang Korte Suprema samtang nagapadayon ang impeachment trial agud malikawan ang dugang nga legal nga kontrobersiya pagkatapos sang paglilitis.
