Nagpasalamat ang Department of Migrant Workers (DMW) sa pamahalaan sang Netherlands bangud sa ginhatag nga bulig kag koordinasyon para sa mga Filipino crew members sang MV Hondius nga naapektuhan sang hantavirus.
Suno kay DMW Secretary Hans Leo Cacdac, dako ang suporta sang Dutch government sa tunga sang kinahanglanon sang mga tripulante nga mga Pilipino.
Ginpahayag sang opisyal nga iya ginbisita ang mga Filipino seafarers nga yara sa quarantine sa Netherlands bilang kabahin sang direktiba ni President Ferdinand Marcos Jr. nga palig-onon ang labor diplomacy para sa mga overseas Filipino workers (OFWs).
Napagkit nga sa 38 ka Pilipino nga crew sang MV Hondius, 21 ang yara sa quarantine kag monitoring sa Amsterdam, samtang ang iban gin-test kag ginkuha man sa quarantine sa Rotterdam sang Mayo 18.
Suno sa DMW, nag-negatibo sa hantavirus ang tanan nga crew kag wala sang sintomas sang nasambit nga sakit./
Gina-implementar ang 42-ka-adlaw nga quarantine period suno sa health protocols sang Department of Health, bangud ang incubation period sang virus mahimo magpakita sang sintomas sa sulod sang 4 tubtob 42 ka adlaw.
Ginpahayag man sang DMW nga padayon ang ila koordinasyon sa Department of Foreign Affairs agud masiguro ang kaluwasan sang mga OFW.//Samtang, naglab-ot na sa sobra 10,000 ka OFWs, ila mga dependents, kag stranded Filipinos ang narepatriate sang gobyerno bangud sa tensyon sa Middle East, samtang nilibo man ang nahatagan sang financial kag emergency assistance kag iban pa nga serbisyo.
