Ginpaklaro ni Defense Secretary Gilberto Teodoro Jr. nga wala sila sang namonitor nga destabilization activities kaangot sang impeachment batok kay Vice President Sara Duterte, kag wala man sang pamahog halin sa mga aktibbo nga suldado.
Suno sa sekretarya, nagapabilin nga propesyonal ang militar sa pihak sang mga political issue, kag ginpabug-atan pa niya nga wala sang hurisdiksyon ang DND sa mga retirado nga suldado.
Gindugang pa ni Teodoro nga kadam-an sa retirees ang wala naga-imbolbarar sa anti-government activities kag padayon nga nagasuporta sa mga security initiatives sang Department of National Defense.
Samtang, ginalauman nga ma-transmit na sa Senado subong nga semana ang Articles of Impeachment batok kay VP Sara Duterte para sa trial matapos aprubahan sang mayorya sang mga kongresista sa House of represenatatives.
